Snilldar auglýsing

Njótið!

 http://www.ffk-wilkinson.com/

 

Persónulegt eða almennt blogg?

Ég er nú heldur slappur bloggari þykir mér. Einhvern vegin er nóg að gera svo maður finnur ekki tíma til að setjast niður og hripa niður nokkrar línur. En núna tók ég mér tíma svo njótið lesendur góðir!

Ég hef verið að íhuga hvort þetta blogg mitt eigi að snúast um mig og mína eða svona um allt og ekkert.....á eftir að sjá hvort ég skelli þessu ekki bara í eitt og hafi þetta blogg sem svona hugrenningar um allt og ekkert.

Sumir í bloggheimum virðast voða uppteknir af því að benda á það sem miður fer í okkar samfélagi, hvort sem það eru auglýsingar, fréttir, sjónvarpsþættir eða hvað annað. Mér finnst í raun ótrúlegt hvað fólk getur nöldrað um margt. Samt er þetta oft hin besta lesning því auðvitað er gaman að lesa mismunandi skoðanir fólks. Hitt er annað að margir virðast ekki getað unað því að aðrir séu með öðruvísi skoðanir en það sjálft. Það er sorglegt, því hvernig væri nú heimurinn ef allir væru sammála? Varla jafn skemmtilegur og hann er.

Af mér og mínum er það hinsvegar að frétta að litli kútur byrjar all sennilegast hjá dagmömmu í október. Húsið okkar rís hægt og rólega, komin platan og smiðirnir byrjaðir á ný við útveggina. Nú maðurinn minn elskar nýju vinnuna sína svo mikið að honum finnst næstum leiðinlegt þegar helgar koma! Ótrúlegt! En ég vona að ég eigi eftir að finna vinnu sem er svo skemmtileg heheh.

Hef ekki meira að bulla í bili....

Slæm eða félagslynd mamma?

Ok ég er búin að fá nóg af fæðingarorlofi! Dauðlangar að fara að vinna...segi það bara alveg satt. Þori ekki að ræða þetta opinskátt við neinn þar sem mér finnst eins og ég sé eitthvað slæm mamma að nenna ekki að vera heima allan daginn með litla kútinn. Þess vegna skrifa ég þetta bara hér svo fólk geti lesið þetta heheheh. Satt að segja er ég jafnvel farin að spá í að taka mér bara einhverja þægilega vinnu svona þangað til að ég finn draumadjobbið. Ég er reyndar með nokkrar umsóknir í gangi núna og þar af eru 2 vinnur mjög spennandi svo ég sé til hvað kemur út úr þeim. Ef ég fæ ekki þau störf þá verð ég að fara að róa á önnur mið og sjá bara til hvað kemur út úr því.

En allavega þá gengur mjög vel hjá manninum mínum í nýju vinnunni....húsið okkar gengur líka ágætlega, var þar í dag að moka í hjólbörur og dreifa sandi hist og her :) Vonandi er hægt að steypa plötuna í næstu viku, en það kemur bara í ljós. Litli kútur hossast á rassinum á methraða og er með hand-æði á háu stigi...úffffff maður er bókstaflega á eftir honum út um allt á meðan hann er vakandi...kannski ekki skrítið að mann langi að fara út að vinna????

Bílahugleiðingar

Ok við hjónin höfum aðeins verið að skoða bíla undanfarna daga þar sem skrjóðurinn okkar er að hrynja í sundur :) Sem týpískir foreldrar,erum við að skoða station bíla og höfum séð eina týpu sem okkur lýst vel á. Þar sem við höfum nú alla tíð keypt notaða bíla þá fórum við á stjá og skoðuðum verðin. Okkur til mikillar furðu þá eru bílar sem eru ca. 1-3 ára gamlir á nánast sama verði og nýr bíll!!! Ég ákvað að spyrja hvernig á þessu stæði þegar við vorum stödd í umboðinu og þá var mér tjáð að þessir bílar héldu sér bara svona vel í verði. Það skýrir eflaust líka þá staðreynd að ekki eru margir svona bílar á bílasölunum :)

Annars er litli kútur að byrja hjá dagmömmunni á mánudaginn, maðurinn minn að byrja í nýrri vinnu...og ég enn í atvinnuleit...mega stuð!

Over and out. 

Hvað viltu gera?

Jamms hún Garún spyr hvað ég vilji gera....

Satt að segja veit ég það ekki 100% sjálf. En eitt veit ég að mínir hæfileikar liggja á sviði mannauðs. Það er að segja, ég á gríðarlega auðvelt með mannleg samskipti og óhrædd við að halda fyrirlestra eða sinna hverjum þeim störfum er krefjast samskipta við fólk. Svo mér datt nú í hug að mínir hæfileikar myndu þá etv. nýtast í störfum ráðningarfulltrúa, starfsmananstjóra (ok ekki strax etv, en kannski aðstoðarmaður á því sviði) eða eitthvað slíkt. Hinsvegar er ég opin fyrir öllum störfum því vissulega er öll starfsreynsla af hinu góða, alveg sama hvað starfið er.

Þá vitið þið það lesendur góðir! Ég er semsé í leit að krefjandi, skemmtilegu, vel launuðu starfi í fyrirtæki þar sem ríkir góður starfsandi og möguleiki á að vaxa í starfi og vinna sig upp :)

Vinsamlegast látið alla sem þið þekkið vita hvort þeir vilij ekki fá einn framúrskarandi starfsmann í sínar raðir :)

Góðar stundir, Sigrún.

 

Úlfarsfell

Þetta er alveg nýtt hjá mér, svona fjallgöngur. Ein góð vinkona mín kynnti mér fyrir þessu blessaða Úlfarsfelli þar sem menn og konur virðast þramma upp í tíma og ótíma. Ég er nú meiriháttar lofthrædd og var ekki alveg að gúddera að fara upp á fjallið (ok ef fjall skyldi kalla) en lét þó til leiðast og viti menn, þetta er alveg brilliant. Ég hef núna farið 2x og þetta er æði! Fínasta hreyfing, gott útsýni, ferskt loft og náttúra. LOVE IT. En hinsvegar fer vetur bráðlega að mæta á svæðið og þá þarf ég víst a finna mér eitthvað nýtt að gera. Dauðlangar að fara í Laugar en þar sem ég er atvinnulaus þá hef ég ekki efni á því alveg strax.

Já ég tók hið þunga skref í gær, skráði mig formlega atvinnulausa, oj hvað það er fúlt. En samt ég kýs þetta í raun og veru. Get alveg farið að vinna í bakaríi, Bónus, Bensínstöð eða what ever! Nóg af vinnu að hafa. En vissulega þarf maður einhvern tímann að segja stopp! Ef maður á að nýta hæfileika sína og komast eitthvað áfram í lífinu þá þarf maður einfaldlega kröfuharðari vinnu, svo einfalt er það.

Fór með stubbinn í skoðun í gær, hann er flottur að sjálfsögðu, ekkert út á hann að setja. Þeim var slétt sama þó hann væri ekki farinn að skríða, það væru bara ekki öll börn sem gerðu það og hana nú! Minn maður er bara varkár að eðlisfari og þar við situr :)

Ef þið vitið um góða vinnu, látið mig þá vita.....og spread the word people!

Leiðinlegast í heimi?

Já ég hef sko svarið við því hvað er leiðinlegast í heimi, en það er að leita sér að vinnu. Mikið djöfulli er það leiðinlegt. Sækjandi um helling af störfum (ok ekki ég reyndar...en what ever) og fá jafn mikið af nei-um. Svo er jafnvel hringt í mann án þess að maður sæki um tiltekið djobb en maður fær það samt ekki, því einhver var ráðinn innanhúss! Er það ekki til að toppa vonbrigði manns? Hey við erum með mega góða vinnu í boði, hvernig lýst þér á blabla bla...viðtal gengur vel og alles...en svo toppar liðið sig með því að ráða innanhúss! Af hverju í ósköpunum var viðkomandi staða ekki kynnt starfsfólki fyrirtækisins áður en farið var að leita utanhúss???

Ok ég er bitur....það er augljóst hahahhahahahhahahhah. Bara svo leiðinlegt þegar draumastarf kemur upp á borðið en er svo kippt svo snögglega frá manni :( Þarf núna að finna mitt grúv aftur bara, go to my happy place eins og einhver myndi segja...hlusta á ruglið í myndinni Secret og fá mikilmennskubrjálæði í kjölfarið og vilja gera allt bara af því að maður getur hugsað! Shit hvað ég er í vondu skapi núna...jæja þið sem nennið að lesa þetta hafið þá ekkert betra að gera en að láta mig draga ykkur niður í svaðið með mér hehheheheh.

En af því að ég er svo jákvæð og hress að eðlisfari þá bugar þetta mig ekki. Vissulega má hver og einn verða vonsvikinn, bitur, neikvæður, óhress, fúll og allt það stundum. Bara muna að hanga ekki of lengi í svona rugli því þá fær maður aldrei neitt í lífinu. Núna þarf ég bara að halda áfram að sækja um störf, kíkja í heimsókn á þessar ráðningarskrifstofur og vera voða dugleg að ota mínum tota. Svo endilega látið mig vita ef þið kæru lesendur hafið einhverja spennandi, skemmtilega og vel launaða vinnu handa mér...allar ábendingar vel þegnar.

kv.

Fúla konan sem síðan komst í gott skap :) Twisted personality HUMMMMMMMMM???

Upptekin!

Já ég er voðalega upptekin eitthvað þessa dagana. Félagslífið og menningarlífið í heild sinni virðist í hámarki nú í ágúst :) Að sjálfsögðu tókum við hjónin þátt í Gay pride og tókum nú litla stýrið með. Ótrúlegt hvað barnið getur sofið í gegnum bara allan hávaða! Ég meina það, sjálf hafði ég gríðarlegar áhyggjur af því að heyrnin hans myndi hreinlega skaðast í mestu látunum, en nei nei vinurinn bara svaf!

Næst á dagskrá er svo menningarnótt þar sem við hjónakornin verðum barnlaus og leikum lausum hala í bænum. Hlakka mikið til þess enda förum við alltaf á þennan viðburð og höfum gaman af.

Óli er kominn í sumarfrí ef frí skyldi kalla...hann mætir á hverjum degi kl. 8 upp í húsið okkar (ja eða verðandi hús öllu heldur) og kemur heim svona um kvöldmatarleytið...voða stuð. Ég er því heima allan daginn með litla kall, sinni honum og horfi svo á Grey´s anatomy á milli hhahahha. Nei svo má ég nú ekki gleyma að ég er að leita að vinnu á fullu og fer í gegnum allar nýjar færslur hjá ráðningarskrifstofunum á degi hverjum og sé hvort einhverjar spennandi vinnur hafa dottið inn. Er bara að sækja um örfáar svona af því að ég vil helst ekki fara í hvaða vinnu sem er. Vil fá bæði ögrandi og krefjandi starf, eitthvað sem ég get nýtt hæfileika mína í og get þróast í starfi.

Svo ef þið vitið um eitthvað meiriháttar starf sem er á lausu þá látið mig bara vita! Verið svo dugleg að kommenta! Koma svo!

Húsið, barnið og annað skemmtilegt :)

Á hverjum degi er örlítið skref stigið í áttina að fullbúnu húsi :) Það sem komið er hingað til er að grunnurinn er alveg að verða tilbúinn svo hægt sé að byrja að slá upp. Vinnuskúrinn okkar er nýmálaður bæði utan og innan. Búið að setja ný gólfefni í hann (spónaplötur), redda borðum og stólum svo hægt sé að fá sér kaffi inni í honum....leggja rör fyrir rafmagn (kaffivélin heheheh og auðvitað einhver rafmagnsverkfæri). Þannig að allt er að smella! Smiðirnir okkar eru að klára verk núna fyrir austan en telja að það klárist fljótlega eftir verslunarmannahelgi. Um leið og þeir klára þar, koma þeir suður og hefja vinnu í húsinu okkar. Þeir hafa 2 mánuði til að gera það fokheld, það er samningurinn okkar á milli. Mjög spennandi !!!!!

Litli engillinn okkar er orðinn 9 mánaða! Ótrúlegt hvað tíminn líður hratt, þó svo að þetta sé alltaf sagt þá líður mér eins og það séu ekki nema ca 2-3 mánuðir síðan ég var upp á fæðingardeild heheheheheh. Litli kútur er mjög varkár að eðlisfari, fer sér hægt og er ekkert að drífa sig að fara af stað þ.e. skríða. Hann veltir sér ofur varlega á gólfinu og passar vel að höfuðið skelli ekki í parketið :) En hann er mjög hamingjusamt barn, hlær, skríkir og brosir næstum allan daginn! Algjör draumur, það er sko ekki hægt að kvarta yfir honum :) Hann er ekki matvandur og borðar næstum allt, já það eina sem ég hef tekið eftir að honum líkar ekki er blómkál :) Það er alveg sama þó ég blandi því við eitthvað annað, honum hryllir bara við því hehehhe. Svo ég er ekkert að þvinga það ofan í hann þar sem hann borðar allt annað grænmeti og því ætti hann ekki að fara mikið á mis við eina tegund af grænmeti :)

Nú er komið að verslunarmannahelgi, hinni miklu fylleríis helgi! Það er eiginlega hálf asnalegt að maður tengir áfengi, eiturlyf, bílferðir og árekstra við þessa helgi. Sorglegt bara! Við hin ráðsetta fjölskylda ætlum bara í sumarbústað, vera inni í hlýjunni hehehhe. Planið er að fara í langa göngutúra, skola af sér skítinn í heitum potti, borða helling af góðum mat, dreypa á fínum vínum í bæði rauðu og hvítu, spila og hafa það bara virkilega huggulegt :)

Farið varlega um verslunarmannahelgina dúllurnar mínar og sérstaklega þið sem eruð að fara á útihátíðir.

24.júlí -Merkisdagur!

Já sá merki atburður átti sér stað í gær rétt um kl. 17 að fyrsta skóflustunga var tekin af framtíðarheimili okkar hjóna. Mikið hvað þetta var skemmtileg stund, við tókum heilan helling af myndum og meiraðsegja video þegar fyrsta skóflan var tekin. Það er eiginlega ekki hægt að lýsa þessu beint, maður finnur bæði til hamingju en líka ákveðins kvíða því þetta er vissulega stórt skref og kostnaðarsamt. Hinsvegar hefur það einhvern vegin verið þannig í lífi okkar hjónananna að hlutirnir reddast alltaf og það er eflaust það lífsmottó sem ég held að sé best að tileinka sér. Ef maður er of mikið að velta sér upp úr því hvernig hlutirnir séu erfiðir og ófáanlegir þá held ég að maður fái aldrei það sem mann virkilega langar í. Því ef maður tekur aldrei áhættu þá festist maður í hversdagsleika sem ef til vill er ekki sá sem maður hefði helst kosið.

Hugsið því um að taka áhættur annað slagið, það gæti borgað sig!