Veðrið

Já enn og aftur langar mig til að spjalla um veður. Ég hef verið að hugsa undanfarna daga þar sem veðurblíðan hefur leikið höfuðborgarbúa hvort veðrið hér á Íslandi sé að breytast. Hér áður fyrr var samasemmerki með sumri og rigningu. Eða það minnir mig amk :) allavega sáust ekki oft tveggja stafa tölur á hitamælum borgarinnar. Ég er svo himinlifandi yfir þessari breytingu og nú er loks hægt að njóta sumarsins án þess að flýgja til sólarlanda.

Annars held ég að þetta tengist allt saman hlýnun loftslags í heiminum. Núna eru til dæmis flóð í Englandi og brunar í Tyrklandi vegna þurrks. Svo við Íslendingar erum glaðir á meðan aðrar þjóðir þurfa að takast á við neikvæðari afleiðingar þessarar þróunar.

Farin út í sólina

Taka til í lífinu...

Já miklar pælingar eru í gangi hjá mér þessa dagana. Af miklu er að taka og ég veit varla hvar ég á að byrja :) Ég er að stíga upp úr fæðingarþunglyndi - amk held ég það, því ég hef verið svo niðurdregin eiginlega án þess að vita það samt. Maður finnur það þegar maður kemur ,,upp,, hversu langt niðri maður var kominn. Sem betur fer steig ég upp úr þessu rugli því ég veit ekki hvar þetta hefði endað hefði ég ekki drullað mér upp :) Nú telja eflaust margir sem þekkja mig ekki vel að ég sé einhver þunglyndissjúklingur sem ekki mark sé takandi á. Það er rangt! Því margir myndu aldrei segja að ég hafi verið þunglynd undanfarnar vikur eða mánuði, langt í frá. En þar sem enginn þekkir mann sjálfan eins vel og maður sjálfur þá veit ég að ég hef oft verið ,,léttari,, í lund en ég hef verið. Nóg um það.....núna er skemmtilegur tími framundan, við erum að fara að byggja, ég að fara í nýja vinnu (verður spennandi að sjá hvar ég enda), guttinn að byrja hjá dagmömmu osfrv osfrv. Einnig er tími til kominn að taka til á fleiri stöðum!

Já núna er mál að linni, kellan orðin að fjalli AGAIN! eftir að hafa lést um heilan haug þá bætti gellan um betur á meðgöngunni og náði öllu á sig aftur og ögn meir í þokkabót  Þetta gengur auðvitað ekki lengur og nú mun hefjast nýr lífsstíll, engir helvítis kúrar, plön eða e-h fólk sem er hamrandi á manni...núna verður það bara me and myself and I sem mun sigra fitupúkann! Vonandi tekst mér það bara og ekkert ves. Sjáum til.

Svo er líka annað, mig dauðlangar að taka íbúðina okkar í gegn, bara fara í alla skápa og sjá eiginlega hvað við eigum hahahahha hljómar soldið furðulega. Hver kannast ekki við það að vera með hluti eins og skenk, stóran fataskáp og skáp fyrir ofan ísskápinn sem einhvern vegin safna dóti sem maður vill ekki henda en notar ALDREI. Þetta eru einmitt hlutir sem maður veit ekkert um eiginlega því maður fer aldrei í þessar blessuðu hirslur til að tékka á stöðunni. Allavega þá er allsherjar tiltekt á öllum sviðum á planinu hjá mér......vona að ég geti virkjað kallinn í þessari hugsun minni.

Kveðja ofvirka gellan sem ætlar að sigra sjálfa sig og heiminn :)

Atvinnuleit

Jiminn góður hvað mér finnst leiðinlegt að leita mér að vinnu, held satt að segja að það sé með því leiðinlegra sem til er í lífinu. Ástæðan? Jú það að fylla út þessa endalausu lista á heimasíðum ráðningarþjónusta um hvað maður hefur lært osfrv. Vildi óska þess að það væri bara hægt að senda ferilskránna sína með tölvupósti eða í gegnum forrit hjá þeim og punktur búið! Ekki fylla út allt draslið og svo senda ferilskrá líka - fáránlegt!

Vissulega er þetta nú hagræðing fyrir sjálfar ráðningarstofurnar því þær fá þarna upplýsingar strax á tölvutæku formi og gerir það þeim auðveldara fyrir að vinsa úr umsækjendum fyrir tiltekin störf. Æji þetta er bara að fara í taugarnar á mér þessa dagana hahahhah...etv er ég að nota þetta blessaða blogg sem svona röfl dæmi - hvur veit. Þeir sem hafa þá ekki áhuga á að lesa væl, vol, kvart og kvein geta þá bara farið yfir á bloggið hennar Ellýar Ármanns eða annarra sem eru með eitthvað meira krassandi í boði :)

Litli gaurinn minn hefur verið veikur undanfarið, ekkert alvarlegt bara kvefpest - samt nóg til að við foreldrarnir séum komin hálfa leið inn á Klepp, ótrúlegt hvað svona frávik gera lífið erfitt. En hann er allur að lagast og ég líka þ.e. geðheilsan hehhehehehehehehhehehe.

Í dag er svo mömmuklúbbur - alltaf stuð þar á bæ.....eftir það tekur við ungbarnasund - æðislega gaman, ja nema í dag verð ég ein með gaurinn og það er ekki alveg jafn gaman þar sem kallinn minn er ómetanlegur stuðningur á þeim stundum....svo í kvöld verður þreytt mamma sem skríður inn um hurðina heima hjá sér...en jafnframt endurnærð eftir mömmuklúbbinn og sundleikfimina :) Já hey man líka eftir öðru....ekki allt búið enn.....mamman þarf að fara á fund í kvöld líka!!!! OK á semsé eftir að sofna um leið og ég leggst á koddann seint í kvöld!

Hætt að kvarta í bili - góðar stundir!

Ástæða heyrnarleysis?

Ég held að fólk sem á börn þjáist frekar úr heyrnarleysi þegar líður á ævina. Ástæðan?? Jú sjáið þið til, þegar börnin eru lítil þá ,,þjálfa,, þau röddina með því að reka upp þessa líka hroðalegu píkuskræki að eyrun á manni hreinlega titra! Svo hástemmdur er nú minn gaur að ég hef fengið höfuðverk eftir nokkrar rokur yfir daginn :(  Nú jæja, svo þegar litlu krílin fara nú að eldast þá mætir leikfangahersingin með sitt hafurtask og að sjálfsögðu eru skemmtilegustu græjurnar þær sem heyrist mest í. Upphefst nú tímabil þar sem mis hávær hljóð berast um húsið, en fullorðnafólkinu til happs að þá fer litli einstaklingurinn af heimilinu smá tíma dags (leikskóli/dagmamma) og því tapast ekki öll heyrn á þessu tímabili. Jæja...nú líður all langur tími....koma því unglingsárin næst með tilheyrandi hurðarskellum og ,,þú skilur mig ekki,, tímabili - Þannig að hvöss hljóð berast einstaka sinnum (oftar hjá sumum börnum en sjaldnar hjá hinum) svona til að toppa það að fullorðna fólkið sem þegar er búið að tapa slatta af heyrninni í gegnum árin að það þurfi pottþétt að fá heyrnartæki þegar á sextugsaldurinn er komið.

Nú ef þið lesendur góðir eignist svo fleiri en einn gullmola þá einfaldlega styttist sá tími sem þið þurfið að fá ykkur heyrnartæki :)

Kveðja frá móðurinni með eyrun sem titra nú í hávaðanum

Vörutorg

Jiminn eini hvað ég þoli ekki þetta sjónvarpsefni. Tek það fram að ég er heimavinnandi og horfi á morgnana á sjónvarpið. Það sem ég er að glápa á er Beverly hills 90210 svona til að upplifa unglingsárin :) og Rachel Ray því ég hef lúmskt gaman af þessari ofvirku og háværu skvettu :) Allavega, þegar þessir þættir mínir eru búnir þá hefst hið margrómaða Vörutorg. Ég svissa nú yfirleitt fljótt um stöð en þegar þetta var nýbyrjað þá auðvitað horfði ég á til að svala forvitni minni. Þessi setning ,,kannist þig ekki við það,, fer orðið svo óstjórnlega í taugarnar á mér að hálfa væri nóg! Svo skil ég ekki af hverju það þarf að endurtaka hlutina 100 sinnum, ég fattaði alveg að helv. tækið sem verið er að selja þjálfar alla vöðva líkamans á sama tíma KRÆST!!!! Málið er að ég næ stundum ekki að skipta um stöð áður en þessi snilldar þáttur hefst því ég er að setja guttann minn út í vagn á þessum tíma. Svo þegar ég er að klæða litla kútinn þá heyri ég í blessðum manninum að tyggja ofan í áhorfendur gæði þess að eiga rándýran brauðkassa sem tekur hálft eldhúsið bara af því að hann loftæmir og því á brauðið bara að vera eins og nýtt forever! COME ON! Já eða þá súkkulaðigosbrunnurinn, algjört möst í partý! Shit ef það þarf e-h gosbrunn til að gera partýið gott þá þekkir þú ekki rétta fólkið hehehehehehehhehehehe. 

Ok grumpy ég er hætt í bili....annars á ég mikið inni í röfli ef þessi þáttur kemur til tals aftur. Hhahahahhahahahha.

Góða helgi.